2019-9-27 09:07 |
Гэты артыкул, надрукаваны ў кастрычніку 1925г. тагачаснай «Савецкай Беларуссю», стаў ці не самай скандальнай газетнай публікацыяй году. Адразу пасля ягонага выхаду рэдактар Ігнат Шыпіла быў зняты з пасады, склад рэдакцыі цалкам зменены, у ЦК КП(б)Б прайшло спецыяльнае паседжанне Бюро, прысвечанае артыкулу, а аўтар Павел Трамповіч атрымаў сталую прапіску ў «чорных спісах» ненадзейных элементаў, якім нельга даваць пляцоўку для публічных выказванняў.
Праз пяць дзён пасля выхаду скандальнай публікацыі ў адноўленай «Савецкай Беларусі» быў надрукаваны «ідэалагічна правільны» адказ аўтару, з якога, можна лічыць, пачалося паступовае, не надта адпачатку заўважнае, але неадменнае згортванне палітыкі беларусізацыі. Новы рэдактар колішняга рупару беларускіх культурнікаў «Савецкай Беларусі» - а ім пасля звальнення Шыпілы стаў паэт Міхась Чарот - цяпер трапляў у складаную сітуацыю бясконцага лавіравання паміж ідэямі, сфармуляванымі Трамповічам (а іх падзялялі ці ня ўсе беларускія інтэлігенты і сам Чарот) і партыйнай лініяй, выразна праведзенай ў адваротным накірунку.
.
Подробнее читайте на belgazeta.by ...
